Caplutta sogn Paul Val
1643 Ils paders caputschins baghegian la caplutta da sontga Margreta (forsa sil sulom d’in caplut gia staus existents?).
1695 La caplutta dall’ucliva en carschen, vegn renovada e carschentada entras ils paders caputschins.
1715 Tenor gravura el zenn pign, vegn la caplutta da Sontga Margreta modernisada cun tuchiez dubel.
1723 La caplutta uclinara vegn benedida per propi (Walram Derichsweiler tenor pader Placi a Spescha) ed adattada al svilup dalla populaziun flurenta.
1886 La caplutta da Val ei gia beinstonta. Siu ugau Gion Mihel Cathomas da Val conceda ils 3 da november ad ina persuna da Surrein, in emprest da 500 francs. Tscheins 4 % per onn e negina amortisaziun annuala. Emprests, tscheins hipotecars e schizun tscheins per agen schischom, ha quella »banca-caplutta» en Val Sumvitg manteniu pella cuminonza entochen baul els onns 1960.
1927 Tenor remessa da Paul Cathomas (1866–1952), ils 15 da settember ella rucla-clutger dalla caplutta, dumbran las duas uclivas da Val e Portas ensemen 28 persunas. Ellas ein repartidas sillas schlatteinas Cathomas, Monn e Candinas (Portas).
1937 La caplutta vegn renovada e dotada cun tetg-dir en cumparsa hodierna.
1996 La caplutta da Sontga Margreta vegn renovada entras amaturs e benefacturs. Sco novum excepziunal dallas numerusas renovaziuns vargadas, vegn sia rucla-clutger sularada ed adattada alla norma sublima da sias socias dil contuorn.
Fontauna: Paul Mathias Cathomas „Nies tratsch“ pag. 615, 2016