Caplutta sogn Michèl Campieschas

El nord da Rabius. Tenor inscripziun ella fassada baghegiada 1669. Il zenn vegl porta medemamein l’annada 1669. La caplutta ei vegnida restaurada exteriuramein igl onn 1968 ed igl intern igl onn 1975.
La caplutta d’ina mesira da 4.70 sin 3.25 m ei drizzada viers miezdi. Il maletg digl altar moussa la sontga famiglia e sogn Mihèl.
Sil tetg sesaulza sin quater petgas in clutgeret.
Igl 1. zenn ha in diameter da 41.5 cm; tun: h‘; peisa circa 70 kg cun l’inscripziun ZUO EHREN S.MICHEL (!) HAT MICH PLAZE HITZ UND GION RUENs GIESSEN LASSEN – AUS DEM FEIR FLOSS, ANDREAS A PORTE VON VELDKIRCH MICH GOSS 1691; maletgs: Nossadunna e s. Michèl.
Il 2. zenn: diameter 37 cm; tun cis‘; peisa circa 55 kg cun l’inscripziun: S.MICHAEL – S.ANGELUS CUSTOS – FIDELIS M. CAPUCC. Maletgs: s. Michèl e s. Fidel (Culader ed onn nunenconuschent)