Caplutta Nossadunna dalla neiv Bogn Tenigia

Cunquei che la fontauna era frequentada da gliez temps fetg bein, ha Clau Maissen schau baghegiar 1674 ina caplutta spel bogn. Il chor ei separaus dalla nav entras in artg ch’ei 1,2 m pli bass ch’igl arviul. Ils garters dallas finiastras ein ord fier da quater cantuns. Il clutgeret sesa sin ina suletta petga e buca sin quater, sco ei fuss usitau. Il maletg digl altar muossa la Mumma da Diu e s. Catrina da Siena ed el funs ina vesta sil bogn vegl e sin la caplutta. Quei maletg datescha da 1696 ed ei signaus da J.J. Rieg. Ella nav secatta ina gravura dil maletg da Nossadunnaun (Einsiedeln) da B. Kilian, 1684. In zenn muossa Maria cul crucifix (1670), l’auter il medem, mo culaus 1728. La davosa renovaziun ha giu liug 1974.

Fontauna: Baselgias e capluttas, spirituals, fraters e soras dalla pleiv da Sumvitg/Giohen e Bernard Bearth, text; Bernard Bearth, fotografias; Ediziuns Desertina, Mustér 1984